Gazzetta di Modena

[[atex:gelocal:gazzetta-di-modena:tempo-libero:1.41064990:Video:https://video.gazzettadimodena.gelocal.it/locale/buon-natale-dalla-gazzetta-di-modena-i-video-auguri-2021-a-tutti-i-modenesi/140049/140737]]

Tant Auguri per Nadel,

che l’an nov al sia piò bel

con l’aiut ‘d Gesò Bambein

la salut l’av staga asvein

Tòt i an ‘ste zirudela

(me vrév screverla piò bela)

[[atex:gelocal:gazzetta-di-modena:tempo-libero:1.41064134:gele.Finegil.Image2014v1:https://www.gazzettadimodena.it/image/contentid/policy:1.41064134:1654796060/image/image.jpg?f=detail_558&h=720&w=1280&$p$f$h$w=d5eb06a]]

Ma gim ueter, esser sincer

A gh’è sol di despiaser

‘Sta undeda ed Pandemia

Me an sò cuma l’as-sia

Sa javam fat el puntur

A duvren eser sicur

Nossignore coi “no vax”

Tòt i sabet in del piaz

Con banderi e schierameint

I n’egh volen der a meint

La Sanitè e tant dutor

I s’arcmanden cun al cor:

sa ve vlìi immunizer

al vaccino a duvi fer!

Basta Covid e dispiaser

A sam stòf a sun sincer

Per tireres so d’umor

A impiam al televisor

Ma anch chè dola-mindola

Tòt i dèe la stàssa fola

Fiòm in pina, punt chi crolen

Povra geint quì lè d’atoren

Giornée pin ed cronaca nera

rapini e scippi mezdè e sera

un bròt quel ca s’arcurdàm

la violeinza su chel dàn

Ma finìi al telegiornel

a se spera in un quel bel

: “E’ manchèe un grand brev am”

Ades cl’è mort l’è un galantam

Raffaella bala in scapein

Al “tuca-tuca” coi anzlein

Carramba!! Ma che bròt quel

Tòt-Italia l’è armesa mel

La Berti ognor sull’onda

La sòo berca non affonda

E’ L’Orietta seimper uguel

Tòt i dèe in ogni canel

Ma vlìiv vàder cose belle?

La Carlucci sotto le stelle

Tra balarein e la giuria….

Un scartoz da sbater via!!!!

Un Babbo Natale cun al Body

As fa per ster adrée el modi

I braz in elt, un cor in man

Per fer discuter i Zemian

El scol Corni noster vant

I han festeggèe i sòo zeint an

Sfurnand tecnich e turnidor

In dla nostra Modna di Mutor

Tòt’ Italia in ripresa

av n’acurzìi a fer la spesa

a cràss i prezi dè e not

l’andrà bein, am bala un occ

“Sursum corda”cher Zemian

C’agh saltam fora anch ‘stan

E s’agh-n fòss ‘ste pandemia

As prev ster piò in armonia

Mascarein, vaccin, tampoun

Un bròt ricord, propria daboun

Putein, am grand e quote rose

Andàm a fer la terza dose

A turnaram magari prest

A ster insàm pr’el nostri fest

Sol acsè ‘srà un gran bel quel:

Passer insàmm un boun Nadel!!!!

Auguri!!!!!!


Sauro Torricelli

*Società del Sandrone